6x11 Jubileumfeestaovend
Vriedig 13 jannewarie beginne veer os jubileumweekend mit ein feestaovend veur ederein!
Dit feest zal plaatsvinje in zaal Aad Leeuwe oppe BTW-sjtraot.
Vanaaf 20.00 oer zeet geer van herte welkom om saame mit os de aaftrap te gaeve veur os jubileumjaor.
Sjloetingstied zal dur veur zorge det deze aovend ech ein feestje waerd waat geer neet wilt misse. Daonaeve zeen dur optraejes van Leste Aom, Danny Pouwels en Guido Frissen.
De entree veur deze aovend is gratis!
6x11 Jubileum Jeugdmiddig
Natuurlik moog auch de jeugd mit feeste ter gelegenheid van os 6x11 jubileum.
Zaoterdig 14 jannewarie gaeve veer ein feestje veur alle jeugd.
Deze middig begint om 14.00 oer in zaal Aad Leeuwe oppe BTW-sjtraot.
DJ Edwin zal veur de neudige feestelijke meziek zorge.
Auch kint geer deze middig ein optraeje van neemes minder als Miejske verwachte.
Komt geer allemaal mit os mit viere?!
6x11 Jubileumresepsie
Os jubileumweekend sjloete we aaf mit ozze jubileumresepsie op zondig 15 jannewarie. Ederein dae wilt, kint os deze daag komme felicitere.
De resepsie besjteit oet 2 gedeiltes; ut felicitatiegedeilte en ut feestgedeilte.
Vanaaf 14.00 oer zal dur in Zaal Aad Leeuwe ein groot feest sjtarte. De Badmötse gaon dur veur zorge det dit feest echt geit sjwinge!
Auch kint geer optraejes van Patrick Gerets, Toeter Thijs en Ralph Wolters verwachte.
Ongertusse is dur in ut café van Aad Leeuwe van 14.00 toet 16.00 oer gelegenheid toet feliciteren.
Hiej hooft geer uch neet veur aan te melde, geer kint komme wanneer geer wilt. Moch ut in ut café effe te drök zeen, kint geer in de zaal van ut feest genete en later alsnog gaon feliciteren.
Veer haope uch allemaol te zeen op ozze resepsie!
Copyright © Alle rechten voorbehouden
