Ich Rick I bön 46 jaor aad en al bekans 20 jaor getrouwd mit Petra. Veer höbbe 5 kienjer; Emma, Tijn, Lotte, Isa en Kas. In ut dageliks laeve bön ich manager op Chemelot, bie de PVC febriek (Vynova). In miene vrieje tied sjport ich get (triatlon), bön sikkertaris van v.v. de Tuinhagedisse, help mit bie de scouting en maak meziek bie de fanfare en prinsekapel. Dees vastelaovend regeer ich mit óngersjteuning van mien adjes Linda, Ben en Casper euver ‘t Tuinhagedisse riek mit miene liefsjpreuk “Vastelaovend raak biej os de goje toon!”

Alaaf!! Ich bön Yara Niessen, dochter van Eric Niessen en Linda Veugelers. Same mit mama probeert Dennis Peeters mich ouch nog get biej te bringe. Sinds dit jaor fiets ich eedere daag 5 saaie minute nao de Broekhin, wo ich mien bes doon om de daag om te kriege. Meistal lukt det vriej aardig. Ich woon al mien hele laeve in Leeve en es ech Leever maedje bön ich lid van de dansgarde en de Crew van de Tuinhagedisse, de scouting en ouch nog es fanatieke keeper van MO-15 van SC Leeve. Ich bön ontzettend greuts det ich es Jeugdprinses dit jaor os Jeug moog veurgaon. Eine wins dae ich al heel lang had! In 2015 höb ich es prinses van Keet in de Kerk al get kinne oefene en in 2020 nog unne keer as boerebruudje. Wie ich ein feesje mot boewe, weit ich ongertusse dan ouch es de beste. Dus ich gaon dit jaor same mit mien adjes Fauve, Niene en Annabel volle gaas!! En det alles onger miene liefsjpreuk: "lach, dans, maak plezeer, de rest kump morge weer!!" Toet sjnel, veer zeen os mit die daag!! Groetjes Yara I